We’ll Aye Warsel Through – October 1908

(To the tune, “Sae will we yet.” Proverbs XV 13. A merry heart maketh a cheerful countenance.”)

King Solomon’s Proverbs hae pith and sense.
He had wives in plenty and weans nae a few.
Tae cleed them and feed them was nae sma’ pretence,
Yet he sang to the bairnies — “We’ll aye warsel thro’.”

“We’ll aye warsel thro’; we’ll aye warsel’ thro’,
As lang’s we keep oor hert abune, we’ll aye warsel thro.’”

Success to the farmer and skill tae his han’
Wi’ guid craps in season, sae bonny tae view.
Gi’en a warm blink o’ sunshine tae cheer up the lan’,
He’ll toil late and early and aye warsel thro’.

 “We’ll aye warsel thro’, we’ll aye warsel thro’
He rises early wi’ the lark and aye warsels thro’.”

Tho’ hairst’s lang and dreary, wi’ stooks unco wat
And frost nips the tatties or taigles the ploo,
As lang’s there’s meal for the auld parritch pat
We’ll fend the stress o’ winter yet, an aye warsel thro’.

“We’ll aye warsel thro’, we’ll aye warsel thro’,
We’ll hope for better times tae come and aye warsel thro’.”

 This life has mony ups and downs and trials ill tae bide
There’s some that hae owre little gear and some mai than enow
But, if we do our duty weel, whatever may betide
Our conscience is clear, what need we fear? We’ll aye warsel thro’.

 “We’ll aye warsel thro’, we’ll aye warsel thro’,
As lang’s we trust in providence, we’ll aye warsel thro.

This entry was posted in Poetry and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s